ਅਕਸ਼ੈ ਕੁਮਾਰ ਸਟਾਰਰ ਹਾਊਸਫੁੱਲ ਸਭ ਤੋਂ ਮਸ਼ਹੂਰ ਫਰੈਂਚਾਇਜ਼ੀ ਵਿੱਚੋਂ ਇੱਕ ਹੈ। ਨਿਰਮਾਤਾ ਜਲਦੀ ਹੀ ਇਸ ਦੀ ਪੰਜਵੀਂ ਕਿਸ਼ਤ ਲਿਆਉਣ ਲਈ ਤਿਆਰ ਹਨ ਅਤੇ ਇਸ ਦਾ ਐਲਾਨ ਵੀ ਕਰ ਦਿੱਤਾ ਗਿਆ ਹੈ। ਇਸ ਵਾਰ ਫਿਲਮ ‘ਚ ਅਕਸ਼ੈ ਕੁਮਾਰ ਅਤੇ ਰਿਤੇਸ਼ ਦੇਸ਼ਮੁਖ ਦੇ ਨਾਲ ਫਰਦੀਨ ਖਾਨ ਵੀ ਨਜ਼ਰ ਆਉਣਗੇ ਪਰ ਮਹਿਲਾ ਲੀਡ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ। ਹਾਲਾਂਕਿ ਹੁਣ ਇਸ ਸਬੰਧੀ ਇੱਕ ਅਪਡੇਟ ਸਾਹਮਣੇ ਆਈ ਹੈ। ਰਿਪੋਰਟ ਮੁਤਾਬਕ ਮੇਕਰਸ ਨੇ ਫੀਮੇਲ ਲੀਡ ਨੂੰ ਫਾਈਨਲ ਕਰ ਲਿਆ ਹੈ। ਲੰਬੇ ਸਮੇਂ ਤੋਂ ਪਰਦੇ ਤੋਂ ਗਾਇਬ ਰਹੀ ਜੈਕਲੀਨ ਫਰਨਾਂਡੀਜ਼ ਨੂੰ ਇਹ ਮੌਕਾ ਮਿਲਿਆ ਹੈ। ਬਾਲੀਵੁੱਡ ਹੰਗਾਮਾ ਨੇ ਦਾਅਵਾ ਕੀਤਾ ਹੈ ਕਿ ਉਹ ਅਕਸ਼ੈ ਕੁਮਾਰ ਨਾਲ ਹਾਊਸਫੁੱਲ 5 ਵਿੱਚ ਨਜ਼ਰ ਆਵੇਗੀ।
ਇਸ ਅਦਾਕਾਰਾ ਦੀ ਹੋ ਸਕਦੀ ਹੈ ਐਂਟਰੀ
ਬਾਲੀਵੁੱਡ ਹੰਗਾਮਾ ਨੇ ਇਕ ਸੂਤਰ ਦੇ ਹਵਾਲੇ ਨਾਲ ਕਿਹਾ ਹੈ ਕਿ ਜੈਕਲੀਨ ਹਾਊਸਫੁੱਲ 5 ‘ਚ ਅਕਸ਼ੈ ਕੁਮਾਰ ਨਾਲ ਜੋੜੀ ਬਣ ਸਕਦੀ ਹੈ। ਪੋਰਟਲ ਨੇ ਕਿਹਾ, “ਜੈਕਲੀਨ ਹਾਊਸਫੁੱਲ ਫਰੈਂਚਾਇਜ਼ੀ ਵਿੱਚ ਵਾਪਸੀ ਲਈ ਉਤਸ਼ਾਹਿਤ ਹੈ। ਉਹ ਕਾਮਿਕ ਸਪੇਸ ਦਾ ਆਨੰਦ ਮਾਣਦੀ ਹੈ ਅਤੇ ਸਾਜਿਦ ਨਾਡਿਆਡਵਾਲਾ ਅਤੇ ਹਾਊਸਫੁੱਲ ਫਰੈਂਚਾਇਜ਼ੀ ਨਾਲ ਆਪਣੇ ਆਪ ਨੂੰ ਜੋੜ ਕੇ ਖੁਸ਼ ਹੈ। ਸਾਜਿਦ ਫਿਲਹਾਲ ਫਿਲਮ ‘ਚ ਨਜ਼ਰ ਆਉਣ ਲਈ ਤਿੰਨ ਹੋਰ ਲੀਡ ਅਭਿਨੇਤਰੀਆਂ ਦੀ ਭਾਲ ਕਰ ਰਹੇ ਹਨ। ਇਸ ਦਾ ਅਧਿਕਾਰਤ ਐਲਾਨ ਜਲਦੀ ਹੀ ਕੀਤਾ ਜਾ ਸਕਦਾ ਹੈ।”
ਹਾਊਸਫੁੱਲ 5 ਦੀ ਰਿਲੀਜ਼ ਡੇਟ ਮੁਲਤਵੀ
ਤੁਹਾਨੂੰ ਦੱਸ ਦੇਈਏ ਕਿ ਸਾਜਿਦ ਨੇ ਪਿਛਲੇ ਸਾਲ ਇਸ ਗੱਲ ਦਾ ਐਲਾਨ ਕੀਤਾ ਸੀ। ਪਹਿਲਾਂ ਇਹ ਫਿਲਮ 2024 ਦੀ ਦੀਵਾਲੀ ਮੌਕੇ ਰਿਲੀਜ਼ ਹੋਣੀ ਸੀ ਪਰ ਬਾਅਦ ਵਿੱਚ ਇਸ ਨੂੰ ਟਾਲ ਦਿੱਤਾ ਗਿਆ। ਰਿਲੀਜ਼ ਡੇਟ ਨੂੰ ਲੈ ਕੇ ਇੱਕ ਬਿਆਨ ਜਾਰੀ ਕਰਦੇ ਹੋਏ ਸਾਜਿਦ ਨਾਡਿਆਡਵਾਲਾ ਨੇ ਕਿਹਾ ਸੀ, ‘ਹਾਊਸਫੁੱਲ ਫ੍ਰੈਂਚਾਇਜ਼ੀ ਨੂੰ ਹੁਣ ਤੱਕ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲ ਰਿਹਾ ਹੈ ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਹਾਊਸਫੁੱਲ 5 ਨੂੰ ਵੀ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲੇਗਾ।’ ਉਨ੍ਹਾਂ ਅੱਗੇ ਲਿਖਿਆ, ‘ਟੀਮ ਨੇ ਇੱਕ ਸ਼ਾਨਦਾਰ ਕਹਾਣੀ ਬਣਾਈ ਹੈ ਜਿਸ ਲਈ ਬਹੁਤ ਸਾਰੇ VFX ਦੀ ਲੋੜ ਹੈ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਅਸੀਂ ਫਿਲਮ ਦੀ ਰਿਲੀਜ਼ ਡੇਟ ਨੂੰ ਵਧਾਉਣ ਦਾ ਫੈਸਲਾ ਕੀਤਾ ਹੈ ਤਾਂ ਜੋ ਤੁਹਾਨੂੰ ਮਨੋਰੰਜਨ ਦੀ ਪੰਜ ਗੁਣਾ ਵੱਧ ਖੁਰਾਕ ਦਿੱਤੀ ਜਾ ਸਕੇ। ਹਾਊਸਫੁੱਲ 5 ਹੁਣ 6 ਜੂਨ, 2025 ਨੂੰ ਰਿਲੀਜ਼ ਹੋਵੇਗੀ।
