ਅੱਲੂ ਅਰਜੁਨ ਦੀ ਬਹੁਤ ਹੀ ਉਡੀਕੀ ਜਾ ਰਹੀ ਫਿਲਮ ‘ਪੁਸ਼ਪਾ 2’ ਦੇ ਰਿਲੀਜ਼ ਹੋਣ ਦਾ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ। ਫਿਲਮ ਨਾਲ ਜੁੜੀ ਹਰ ਜਾਣਕਾਰੀ ਲਈ ਪ੍ਰਸ਼ੰਸਕ ਇਸ ਦੇ ਨਵੀਨਤਮ ਅਪਡੇਟਸ ‘ਤੇ ਨਜ਼ਰ ਰੱਖਦੇ ਹਨ। ਜਿਵੇਂ-ਜਿਵੇਂ ‘ਪੁਸ਼ਪਾ 2’ ਦੀ ਰਿਲੀਜ਼ ਡੇਟ ਨੇੜੇ ਆ ਰਹੀ ਹੈ, ਦਰਸ਼ਕਾਂ ‘ਚ ਫਿਲਮ ਦਾ ਕ੍ਰੇਜ਼ ਵਧਦਾ ਜਾ ਰਿਹਾ ਹੈ। ਫਿਲਮ ਦੇ ਟੀਜ਼ਰ, ਟ੍ਰੇਲਰ ਅਤੇ ਗੀਤਾਂ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ ਪਰ ਪਿਛਲੀ ਫਿਲਮ ‘ਪੁਸ਼ਪਾ 1’ ਦੇ ਧਮਾਕੇਦਾਰ ਆਈਟਮ ਗੀਤ ਵਾਂਗ ਸਾਰੇ ਪ੍ਰਸ਼ੰਸਕਾਂ ਨੂੰ ਇਸ ਵਾਰ ਵੀ ਸ਼ਾਨਦਾਰ ਆਈਟਮ ਨੰਬਰ ਦੀ ਉਮੀਦ ਹੈ। ਇਸ ਵਾਰ ਸਮੰਥਾ ਦੀ ਜਗ੍ਹਾ ਕਿਹੜੀ ਅਭਿਨੇਤਰੀ ਆਪਣੇ ਹੌਟ ਡਾਂਸ ਮੂਵ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤੇਗੀ। ਇਸ ਦਾ ਫੈਸਲਾ ਲਗਭਗ ਹੋ ਚੁੱਕਾ ਹੈ।
6 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ ‘ਪੁਸ਼ਪਾ 2’
ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਵਾਰ ਸਮੰਥਾ ਦੀ ਜਗ੍ਹਾ ‘ਭੂਲ ਭੁਲਾਇਆ 3’ ਦੀ ਅਦਾਕਾਰਾ ਤ੍ਰਿਪਤੀ ਡਿਮਰੀ ‘ਪੁਸ਼ਪਾ 2’ ‘ਚ ਕਿਸੇ ਖਾਸ ਗੀਤ ਰਾਹੀਂ ਲੋਕਾਂ ਦੇ ਹੋਸ਼ ਉਡਾ ਸਕਦੀ ਹੈ ਜਾਂ ਇਹ ਵੀ ਸੰਭਵ ਹੈ ਕਿ ਇਸ ਵਾਰ ਉਹ ‘ਪੁਸ਼ਪਾ 2’ ‘ਚ ਕੋਈ ਆਈਟਮ ਸੌਂਗ ਕਰੇ। ਹਾਲਾਂਕਿ ਅਜੇ ਤੱਕ ਇਸ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਇਹ ਫਿਲਮ 6 ਦਸੰਬਰ 2024 ਨੂੰ ਰਿਲੀਜ਼ ਹੋਵੇਗੀ।
ਤ੍ਰਿਪਤੀ ਡਿਮਰੀ ਦਾ ਨਾਮ ਲਗਭਗ ਤੈਅ
ਹਾਲਾਂਕਿ ਇਸ ਗੀਤ ‘ਚ ਕਿਹੜੀ ਹੀਰੋਇਨ ਡਾਂਸ ਕਰੇਗੀ, ਇਸ ਦਾ ਅਜੇ ਫੈਸਲਾ ਨਹੀਂ ਹੋਇਆ ਹੈ ਪਰ ਅੱਲੂ ਅਰਜੁਨ ਨਾਲ ਡਾਂਸ ਕਰਨ ਲਈ ਜਾਨ੍ਹਵੀ ਕਪੂਰ ਅਤੇ ਤ੍ਰਿਪਤੀ ਡਿਮਰੀ ਦੇ ਨਾਂ ‘ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਫਿਲਮੀ ਹਲਕਿਆਂ ‘ਚ ਚਰਚਾ ਹੈ ਕਿ ਇਸ ਗੀਤ ‘ਚ ਧਮਾਲਾਂ ਪਾਉਣ ਲਈ ਨਿਰਮਾਤਾਵਾਂ ਨੇ ‘ਐਨੀਮਲ’ ਫੇਮ ਤ੍ਰਿਪਤੀ ਡਿਮਰੀ ਦਾ ਨਾਂ ਲਗਭਗ ਫਾਈਨਲ ਕਰ ਲਿਆ ਹੈ। ਪਰ ਅਧਿਕਾਰਤ ਤੌਰ ‘ਤੇ ਪੁਸ਼ਟੀ ਹੋਣ ਤੱਕ ਕੁਝ ਨਹੀਂ ਕਿਹਾ ਜਾ ਸਕਦਾ। ‘ਪੁਸ਼ਪਾ 2’ ਦਾ ਨਿਰਦੇਸ਼ਨ ਸੁਕੁਮਾਰ ਕਰ ਰਹੇ ਹਨ, ਜਿਸ ਦਾ ਸੰਗੀਤ ਡੀ.ਐੱਸ.ਪੀ. ਨੇ ਤਿਆਰ ਕੀਤਾ ਹੈ।
