‘ਕਾਮੇਡੀ ਨਹੀਂ ਹਿੰਸਾ ਹੈ ਟੌਮ ਐਂਡ ਜੈਰੀ ਕਾਰਟੂਨ’,ਅਕਸ਼ੈ ਕੁਮਾਰ ਨੇ ਕਿਉ ਦਿੱਤਾ ਇਹ ਬਿਆਨ

ਵਾਰਨਰ ਬ੍ਰਦਰਜ਼ ਦਾ ਕਾਰਟੂਨ ਸ਼ੋਅ ‘ਟੌਮ ਐਂਡ ਜੈਰੀ’ ਕਦੇ ਹਰ ਕਿਸੇ ਦਾ ਚਹੇਤਾ ਸੀ। ਬੱਚੇ, ਨੌਜਵਾਨ ਇੱਥੋਂ ਤੱਕ ਕਿ ਬਜ਼ੁਰਗ ਵੀ ਬੈਠ ਕੇ ਟੀਵੀ ‘ਤੇ ਇਹ ਕਾਰਟੂਨ ਦੇਖਦੇ ਸਨ। ਟੌਮ ਅਤੇ ਜੈਰੀ ਦੀ ਲੜਾਈ ਦੇਖ ਕੇ ਰੋਣ ਵਾਲਾ ਵੀ ਢਿੱਡ ਫੜ ਕੇ ਹੱਸਦਾ ਸੀ। ਹੁਣ ਇਹ ਸ਼ੋਅ ਬੰਦ ਹੋ ਗਿਆ ਹੈ, ਪਰ ਬਹੁਤ ਸਾਰੇ ਲੋਕ ਅਜੇ ਵੀ ਇਸ ਕਾਰਟੂਨ ਨੂੰ ਯੂਟਿਊਬ ‘ਤੇ ਇਸ ਦੀਆਂ ਛੋਟੀਆਂ ਕਲਿੱਪਾਂ ਲੱਭ ਕੇ ਦੇਖਦੇ ਹਨ। ਲੋਕਾਂ ਨੇ ਇਸ ਵਿੱਚ ਕਾਮੇਡੀ ਦੇਖੀ ਹੋਵੇਗੀ ਪਰ ਖਿਡਾਰੀ ਅਕਸ਼ੈ ਕੁਮਾਰ ਦਾ ਮੰਨਣਾ ਹੈ ਕਿ ਇਸ ਕਾਰਟੂਨ ਫਰੈਂਚਾਇਜ਼ੀ ਵਿੱਚ ਹਿੰਸਾ ਨੂੰ ਦਿਖਾਇਆ ਗਿਆ ਹੈ। ਆਪਣੀ ਆਉਣ ਵਾਲੀ ਫਿਲਮ ‘ਖੇਲ-ਖੇਲ ਮੇਂ’ ਦੇ ਪ੍ਰਮੋਸ਼ਨ ਦੌਰਾਨ ਇਸ ਕਾਰਟੂਨ ਸ਼ੋਅ ‘ਟੌਮ ਐਂਡ ਜੈਰੀ’ ਬਾਰੇ ਖੁਦ ਅਕਸ਼ੈ ਕੁਮਾਰ ਨੇ ਗੱਲ ਕੀਤੀ। ਉਨ੍ਹਾਂ ਕਾਰਟੂਨ ਸ਼ੋਅ ਸਬੰਧੀ ਆਪਣੇ ਵਿਚਾਰ ਪ੍ਰਗਟ ਕੀਤੇ।

ਕਿਉ ਕਿਹਾ ਅਕਸ਼ੈ ਕੁਮਾਰ ਨੇ ਟੌਮ ਐਂਡ ਜੈਰੀ ਨੂੰ ਹਿੰਸਕ ਕਾਰਟੂਨ

ਅਕਸ਼ੈ ਕੁਮਾਰ ਦੀ ਆਉਣ ਵਾਲੀ ਫਿਲਮ ‘ਖੇਲ-ਖੇਲ ਮੇਂ’ ਇਕ ਕਾਮੇਡੀ ਫਿਲਮ ਹੈ, ਜਿਸ ‘ਚ ਇਕ ਖੇਡ ਸਿਤਾਰਿਆਂ ਨੂੰ ਉਜਾਗਰ ਕਰਦੀ ਹੈ। ਇਸ ਫਿਲਮ ‘ਚ ਖਿਲਾੜੀ ਕੁਮਾਰ ਤੋਂ ਇਲਾਵਾ ਐਮੀ ਵਿਰਕ ਅਤੇ ਫਰਦੀਨ ਖਾਨ ਵਰਗੇ ਸਿਤਾਰੇ ਵੀ ਨਜ਼ਰ ਆਉਣਗੇ। ਹਾਲ ਹੀ ‘ਚ ਪਿੰਕਵਿਲਾ ਨਾਲ ਖਾਸ ਗੱਲਬਾਤ ਦੌਰਾਨ ਫਰਦੀਨ ਖਾਨ ਨੇ ਦੱਸਿਆ ਕਿ ਟੌਮ ਐਂਡ ਜੈਰੀ ਉਨ੍ਹਾਂ ਦਾ ਪਸੰਦੀਦਾ ਕਾਰਟੂਨ ਹੈ, ਜਿਸ ਤਰ੍ਹਾਂ ਨਾਲ ਦੋਹਾਂ ਵਿਚਾਲੇ ਕਾਮੇਡੀ ਦਿਖਾਈ ਜਾਂਦੀ ਹੈ, ਉਹ ਉਨ੍ਹਾਂ ਨੂੰ ਪਸੰਦ ਹੈ। ਫਰਦੀਨ ਦੀ ਇਹ ਗੱਲ ਸੁਣ ਕੇ ਅਕਸ਼ੇ ਕੁਮਾਰ ਨੇ ਤੁਰੰਤ ਉਸ ਨੂੰ ਰੋਕਿਆ ਅਤੇ ਕਿਹਾ, ਟਾਮ ਐਂਡ ਜੈਰੀ ਕੋਈ ਕਾਮੇਡੀ ਨਹੀਂ, ਸਗੋਂ ਐਕਸ਼ਨ ਹੈ ਅਤੇ ਇਸ ਵਿੱਚ ਹਿੰਸਾ ਹੈ। ਗੱਲਬਾਤ ਦੌਰਾਨ ਅਕਸ਼ੇ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਫਿਲਮ ਦੇ ਕਈ ਐਕਸ਼ਨ ਸੀਨ ਟੌਮ ਐਂਡ ਜੈਰੀ ਤੋਂ ਪ੍ਰੇਰਿਤ ਹਨ। ਉਨ੍ਹਾਂ ਨੇ ਆਪਣੀ ਇਕ ਫਿਲਮ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਹੈਲੀਕਾਪਟਰ ਦਾ ਸੀਨ ਟਾਮ ਐਂਡ ਜੈਰੀ ਤੋਂ ਲਿਆ ਸੀ। ਇਸ ਫਿਲਮ ‘ਚ ਅਕਸ਼ੇ ਕੁਮਾਰ ਦੇ ਨਾਲ ਤਾਪਸੀ ਪੰਨੂ, ਐਮੀ ਵਿਰਕ, ਫਰਦੀਨ ਖਾਨ, ਵਾਣੀ ਕਪੂਰ ਸਮੇਤ ਕਈ ਸਿਤਾਰੇ ਨਜ਼ਰ ਆਉਣਗੇ। 15 ਅਗਸਤ ਨੂੰ ਬਾਕਸ ਆਫਿਸ ‘ਤੇ ਖੇਲ-ਖੇਲ ਦਾ ਮੁਕਾਬਲਾ ਸ੍ਰੀ 2 ਅਤੇ ਜੌਨ ਅਬ੍ਰਾਹਮ ਦੀ ਵੇਦਾ ਨਾਲ ਹੋਵੇਗਾ।