ਐਪਲ ਨੇ ਸ਼ੁਰੂ ਕੀਤਾ ਰਿਪੇਅਰ ਪ੍ਰੋਗਰਾਮ, ਤੁਹਾਡੇ ਆਈਫੋਨ ਨੂੰ ਮੁਫਤ ਵਿੱਚ ਕੀਤਾ ਜਾਵੇਗਾ ਫਿਕਸ!

ਐਪਲ ਆਈਫੋਨ ਉਪਭੋਗਤਾਵਾਂ ਦੀਆਂ ਸਮੱਸਿਆਵਾਂ ‘ਤੇ ਤੁਰੰਤ ਕਾਰਵਾਈ ਕਰਦਾ ਹੈ। ਕੁਝ ਸਮੇਂ ਤੋਂ, ਆਈਫੋਨ 14 ਪਲੱਸ ਚਲਾਉਣ ਵਾਲੇ ਉਪਭੋਗਤਾਵਾਂ ਨੂੰ ਰਿਅਰ ਕੈਮਰੇ ਦੀ ਵਰਤੋਂ ਕਰਦੇ ਸਮੇਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਯੂਜ਼ਰਸ ਦੀ ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ ਐਪਲ ਨੇ ਨਵਾਂ ਰਿਪੇਅਰ ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ। ਐਪਲ ਦੀ ਅਧਿਕਾਰਤ ਸਾਈਟ ‘ਤੇ ਇਹ ਵੀ ਜਾਣਕਾਰੀ ਦਿੱਤੀ ਗਈ ਹੈ ਕਿ ਆਈਫੋਨ 14 ਪਲੱਸ ਉਪਭੋਗਤਾਵਾਂ ਲਈ ਇੱਕ ਰਿਪੇਅਰ ਪ੍ਰੋਗਰਾਮ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਕੰਪਨੀ ਮੁਤਾਬਕ ਇਸ ਤਰ੍ਹਾਂ ਦੀ ਸਮੱਸਿਆ 10 ਅਪ੍ਰੈਲ 2023 ਤੋਂ 28 ਅਪ੍ਰੈਲ 2024 ਦਰਮਿਆਨ ਬਣੇ ਮਾਡਲਾਂ ‘ਚ ਆ ਰਹੀ ਹੈ।

ਆਈਫੋਨ 14 ਪਲੱਸ ਦੇ ਕੈਮਰੇ ਵਿੱਚ ਦਿੱਕਤ

ਕੰਪਨੀ ਦੀ ਅਧਿਕਾਰਤ ਸਾਈਟ ‘ਤੇ ਦਿੱਤੀ ਗਈ ਜਾਣਕਾਰੀ ਤੋਂ ਪਤਾ ਲੱਗਾ ਹੈ ਕਿ ਇਨ੍ਹਾਂ ਮਾਡਲਾਂ ‘ਚ ਰਿਅਰ ਕੈਮਰੇ ਦੀ ਵਰਤੋਂ ਕਰਦੇ ਸਮੇਂ ਸਕ੍ਰੀਨ ‘ਤੇ ਪ੍ਰੀਵਿਊ ਨਹੀਂ ਦਿਖਾਇਆ ਜਾ ਰਿਹਾ ਹੈ। ਐਪਲ ਦਾ ਨਵਾਂ ਰਿਪੇਅਰ ਪ੍ਰੋਗਰਾਮ ਉਨ੍ਹਾਂ ਲੋਕਾਂ ਲਈ ਸ਼ੁਰੂ ਕੀਤਾ ਗਿਆ ਹੈ ਜੋ ਇਸ ਤਰ੍ਹਾਂ ਦੀ ਸਮੱਸਿਆ ਨਾਲ ਜੂਝ ਰਹੇ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਸਮੱਸਿਆ ਦਾ ਸਾਹਮਣਾ ਸਿਰਫ ਆਈਫੋਨ 14 ਪਲੱਸ ਚਲਾਉਣ ਵਾਲੇ ਯੂਜ਼ਰਸ ਨੂੰ ਹੋ ਰਿਹਾ ਹੈ। ਹੋਰ ਵੇਰੀਐਂਟਸ ਜਿਵੇਂ ਕਿ ਆਈਫੋਨ 14, ਆਈਫੋਨ 14 ਪ੍ਰੋ ਅਤੇ ਆਈਫੋਨ 14 ਪ੍ਰੋ ਮੈਕਸ ਵਰਗੇ ਮਾਡਲਾਂ ਵਿੱਚ ਇਸ ਤਰ੍ਹਾਂ ਦੀ ਸਮੱਸਿਆ ਨਹੀਂ ਹੈ।