ਐਪਲ ਆਈਫੋਨ 17 ਸੀਰੀਜ਼ ਨੂੰ ਸਾਲ 2025 ‘ਚ ਲਾਂਚ ਕਰ ਸਕਦਾ ਹੈ, ਹਾਲਾਂਕਿ ਐਪਲ ਨੇ ਅਜੇ ਤੱਕ ਆਈਫੋਨ 17 ਨੂੰ ਲੈ ਕੇ ਅਧਿਕਾਰਤ ਤੌਰ ‘ਤੇ ਕੁਝ ਨਹੀਂ ਕਿਹਾ ਹੈ ਪਰ ਨਵਾਂ ਆਈਫੋਨ ਹਰ ਸਾਲ ਸਤੰਬਰ ‘ਚ ਲਾਂਚ ਕੀਤਾ ਜਾਂਦਾ ਹੈ। ਹਾਲ ਹੀ ਵਿੱਚ, ਐਪਲ ਨੇ ਆਈਫੋਨ 16 ਸੀਰੀਜ਼ ਲਾਂਚ ਕੀਤੀ ਹੈ ਅਤੇ ਹੁਣ ਆਈਫੋਨ 17 ਨੂੰ ਲੈ ਕੇ ਲੀਕ ਰਿਪੋਰਟਾਂ ਆਉਣੀਆਂ ਸ਼ੁਰੂ ਹੋ ਗਈਆਂ ਹਨ।
ਆਈਫੋਨ 17 ਸੀਰੀਜ਼ ਦਾ ਸਭ ਤੋਂ ਜ਼ਿਆਦਾ ਚਰਚਾ ਇਕ ਨਵਾਂ ਮਾਡਲ ਹੈ ਜਿਸ ਨੂੰ ਆਈਫੋਨ 17 ਏਅਰ ਦਾ ਨਾਂ ਦਿੱਤਾ ਜਾ ਰਿਹਾ ਹੈ। ਆਮਤੌਰ ‘ਤੇ ਐਪਲ ਹਰ ਸਾਲ ਚਾਰ ਨਵੇਂ ਆਈਫੋਨ ਲਾਂਚ ਕਰਦਾ ਹੈ, ਹਾਲਾਂਕਿ 2025 ‘ਚ ਵੀ ਸਿਰਫ ਚਾਰ ਨਵੇਂ ਮਾਡਲ ਲਾਂਚ ਕੀਤੇ ਜਾਣਗੇ ਪਰ ਪਲੱਸ ਵਰਜ਼ਨ ਨੂੰ ਬੰਦ ਕਰ ਦਿੱਤਾ ਜਾਵੇਗਾ।
ਲੀਕ ਹੋਈ ਰਿਪੋਰਟ ‘ਚ ਕਿਹਾ ਜਾ ਰਿਹਾ ਹੈ ਕਿ ਐਪਲ ਆਪਣੇ ਆਈਫੋਨ ਪਲੱਸ ਨੂੰ ਆਈਫੋਨ 17 ਦੇ ਨਾਲ ਖਤਮ ਕਰੇਗਾ ਅਤੇ ਉਸ ਦੀ ਜਗ੍ਹਾ ‘ਤੇ ਆਈਫੋਨ 17 ਏਅਰ ਪੇਸ਼ ਕੀਤਾ ਜਾਵੇਗਾ। ਆਈਫੋਨ 17 ਏਅਰ ਕਾਫੀ ਪਤਲਾ ਹੋਵੇਗਾ ਅਤੇ ਇਸ ‘ਚ 6.6 ਇੰਚ ਦੀ ਡਿਸਪਲੇ ਹੋਵੇਗੀ ਅਤੇ ਇਸ ‘ਚ 24 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੋਵੇਗਾ।
AppleTrack ਨੇ ਇੱਕ ਵੀਡੀਓ ਵਿੱਚ iPhone 17 Air ਦੇ ਡਿਜ਼ਾਈਨ, ਸਪੈਸੀਫਿਕੇਸ਼ਨ ਅਤੇ ਕੀਮਤ ਬਾਰੇ ਜਾਣਕਾਰੀ ਦਿੱਤੀ ਹੈ। ਇੱਕ ਕਾਂਸੈਪਟ ਰੈਂਡਰ ਵੀ ਹੈ ਜਿਸ ਵਿੱਚ ਆਈਫੋਨ 17 ਏਅਰ ਨੂੰ ਕਈ ਰੰਗਾਂ ਵਿੱਚ ਦੇਖਿਆ ਜਾ ਸਕਦਾ ਹੈ।
ਵੀਡੀਓ ਮੁਤਾਬਕ ਆਈਫੋਨ 17 ਏਅਰ ਦਾ ਡਿਜ਼ਾਈਨ ਆਈਫੋਨ 6 ਵਰਗਾ ਹੋਵੇਗਾ ਅਤੇ ਇਹ ਪਤਲਾ ਆਈਫੋਨ ਹੋਵੇਗਾ। ਇਸ ਵਿੱਚ 120Hz ਦੀ ਪ੍ਰੋ-ਮੋਸ਼ਨ ਰਿਫਰੈਸ਼ ਰੇਟ ਦੇ ਨਾਲ 6.6-ਇੰਚ ਦੀ OLED ਡਿਸਪਲੇ ਹੋਵੇਗੀ। ਫੋਨ ਦੇ ਨਾਲ ਡਾਇਨਾਮਿਕ ਆਈਲੈਂਡ ਵੀ ਮਿਲੇਗਾ।
