ਪਤੀ-ਪਤਨੀ ਵਿਚ ਛੋਟਾ- ਮੋਟਾ ਝਗੜਾ ਹੁੰਦਾ ਰਹਿੰਦਾ ਹੈ। ਹਾਲਾਂਕਿ ਕਈ ਵਾਰ ਇਸ ਦਾ ਨਤੀਜਾ ਬੱਚਿਆਂ ਨੂੰ ਵੀ ਭੁਗਤਣਾ ਪੈਂਦਾ ਹੈ। ਇਸੇ ਤਰ੍ਹਾ ਦਾ ਇੱਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਪਤੀ ਨਾਲ ਝਗੜੇ ਤੋਂ ਬਾਅਦ ਔਰਤ ਨੇ ਜੋ ਕੀਤਾ ਹੈਰਾਨ ਕਰਨ ਵਾਲਾ ਹੈ। ਪਤੀ ਤੋਂ ਬਦਲਾ ਲੈਣ ਲਈ ਔਰਤ ਨੇ ਆਪਣੇ ਦੋ ਮਾਸੂਮ ਬੱਚਿਆਂ ਨੂੰ 23ਵੀਂ ਮੰਜ਼ਿਲ ਤੋਂ ਲਟਕਾ ਦਿੱਤਾ। ਇਸ ਘਟਨਾ ਦਾ ਵੀਡੀਓ ਵੀ ਵਾਇਰਲ ਹੋਇਆ ਹੈ, ਜਿਸ ਨੂੰ ਦੇਖ ਕੇ ਲੋਕ ਡਰ ਗਏ ਹਨ ਅਤੇ ਆਪਣਾ ਗੁੱਸਾ ਔਰਤ ‘ਤੇ ਕੱਢ ਰਹੇ ਹਨ।
ਚੀਨ ਦੇ ਹੇਨਾਨ ਦੀ ਘਟਨਾ
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ ਇਹ ਘਟਨਾ ਮੱਧ ਚੀਨ ਦੇ ਹੇਨਾਨ ਸੂਬੇ ਦੇ ਲੁਓਯਾਂਗ ‘ਚ ਵਾਪਰੀ, ਜਦੋਂ ਲੋਕ ਇਕ ਅਪਾਰਟਮੈਂਟ ਦੇ ਬਾਹਰ ਏਸੀ ਯੂਨਿਟ ਨਾਲ ਲਟਕਦੇ ਦੋ ਬੱਚਿਆਂ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਗੁਆਂਢੀਆਂ ਦਾ ਕਹਿਣਾ ਹੈ ਕਿ ਬੱਚਿਆਂ ਦੀ ਮਾਂ ਨਾਲ ਵਾਲੀ ਖਿੜਕੀ ‘ਤੇ ਬੈਠੀ ਸੀ ਅਤੇ ਆਪਣੇ ਪਤੀ ਨੂੰ ਦੇਖ ਕੇ ਚੀਕ ਰਹੀ ਸੀ। ਉਸੇ ਸਮੇਂ ਜਦੋਂ ਉਹ ਵਿਅਕਤੀ ਬੱਚਿਆਂ ਨੂੰ ਬਚਾਉਣ ਲਈ ਖਿੜਕੀ ਵੱਲ ਆਇਆ ਤਾਂ ਉਸਨੇ ਉਸਨੂੰ ਰੋਕਣਾ ਸ਼ੁਰੂ ਕਰ ਦਿੱਤਾ।
ਵਾਇਰਲ ਹੋ ਰਹੀ ਵੀਡੀਓ ‘ਚ ਬੱਚੇ ਏਸੀ ਯੂਨਿਟ ‘ਤੇ ਬੈਠੇ ਦੇਖੇ ਜਾ ਸਕਦੇ ਹਨ, ਜਦਕਿ ਉਨ੍ਹਾਂ ਦੀ ਮਾਂ ਖਿੜਕੀ ਕੋਲ ਬੈਠੀ ਹੋਈ ਹੈ ਅਤੇ ਆਪਣੇ ਪਤੀ ਨਾਲ ਝਗੜਾ ਕਰ ਰਹੀ ਹੈ। ਵੀਡੀਓ ‘ਚ ਤੁਸੀਂ ਦੇਖੋਂਗੇ ਕਿ ਔਰਤ ਲਗਾਤਾਰ ਚੀਕ ਰਹੀ ਹੈ, ਜਦਕਿ ਉਸਦਾ ਪਤੀ ਸ਼ਾਂਤ ਹੈ ਅਤੇ ਕਿਸੇ ਤਰ੍ਹਾਂ ਬੱਚਿਆਂ ਨੂੰ ਅੰਦਰ ਲਿਆਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਪਰ ਜਿਵੇਂ ਹੀ ਉਹ ਖਿੜਕੀ ਵੱਲ ਵਧਿਆ ਤਾਂ ਔਰਤ ਨੇ ਉਸਨੂੰ ਰੋਕ ਲਿਆ। ਗੁਆਂਢੀਆਂ ਨੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ। ਜਿਸ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਬੱਚਿਆਂ ਨੂੰ ਬਚਾਇਆ। ਹਾਲਾਂਕਿ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਬੱਚਿਆਂ ਦੀ ਮਾਂ ਦੇ ਖਿਲਾਫ ਕੋਈ ਕਾਰਵਾਈ ਹੋਈ ਹੈ ਜਾਂ ਨਹੀਂ। ਪਰ ਇਸ ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਉਣ ਤੋਂ ਬਾਅਦ ਲੋਕ ਔਰਤ ਦੀ ਆਲੋਚਨਾ ਕਰ ਰਹੇ ਹਨ।
ਵੀਡੀਓ ਤੇ ਲੋਕਾਂ ਨੇ ਦਿੱਤੀ ਪ੍ਰਤੀਕਿਰਿਆ
ਇਕ ਯੂਜ਼ਰ ਨੇ ਕਮੈਂਟ ਕੀਤਾ, ਮਾਤਾ-ਪਿਤਾ ਦੀ ਲੜਾਈ ਦੇ ਮਾਮਲੇ ‘ਚ ਬੱਚਿਆਂ ਨੂੰ ਸਜ਼ਾ ਕਿਉਂ? ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਦਾ ਕਹਿਣਾ ਹੈ ਕਿ ਇਕ ਮਾਂ ਅਜਿਹਾ ਕਿਵੇਂ ਕਰ ਸਕਦੀ ਹੈ? ਇਹ ਬਰਬਰਤਾ ਦੀ ਸਿਖਰ ਹੈ। ਲੱਗਦਾ ਹੈ ਕਿ ਇਹ ਔਰਤ ਆਪਣਾ ਮਾਨਸਿਕ ਸੰਤੁਲਨ ਗੁਆ ਚੁੱਕੀ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਕੀ ਇਹ ਮਾਂ ਹੈ ਜਾਂ ਹੈਵਾਨ? ਸੋਚਿਆ ਵੀ ਨਹੀਂ ਸੀ ਕਿ ਜੇਕਰ ਬੱਚੇ 23ਵੀਂ ਮੰਜ਼ਿਲ ਤੋਂ ਡਿੱਗ ਜਾਂਦੇ ਤਾਂ ਕੀ ਹੁੰਦਾ।
